لا تلومــوه فكلنا ذلك الرجــل .

لماذا يوجه الناس اللوم لضابط الشرطة لمحاولته فرض نفوذه وإستعراض عضلاته أمام عامة الشعب ، والمشكلة إن المجتمع المصرى كله أصبح يواجه فرض العضلات فى كل منظقة وفى كل مؤسسة وفى كل مصلحة يود أن يقضيها على مدار يومه ، مدير المستشفى ومدير المدرسة و وكيل الوزارة بل وحتى سواق الميكروباص اللى بيركب الركاب ويخليهم فى عربيته كأنه بيرص صابون ،بياع العيش فى الفرن اللى مكانته أصبحت تعادل مكانة لواء بل وقد تفوق ، نفس الملامح - الوش الكشر والصوت العالى والتناكه والتعالى - هى ما ينتظر المواطن خصوصا الغلبان فى أى مصلحة والموظف اللى يرجعك بالخمس أيام علشان عين النسر اللى فى الختم مش ظهره ، والمصيبة إنه اللى بيتعمل فيه من الموظف فى المصلحة (س) بيطلعه على عين اللى يجى يقضى منه مصلحة فى المؤسسة (ص) اللى هوا شغال فيها ، أصبح أسلوب يدرس تعلمه حتى موظفى الدبلومات والدرجة الخامسة (مع إحترامى) .
أنا بكلمك على راجل ليس له أى نفوذ ولا سلطة وبيعمل اللى بنشوفه ده .
فما بالك بظابط الشرطة اللى لاقى الظروف المناسبة لنمو تلك الخصال عنده ، بجد أنا أعذر ضباط الشرطة فيما يفعلون ، وعلى الدنيا السلام .